البوابة
موضوع للمناقشة
***
***
ليه انا حاسس ان مصر دي بالنسبة للأنظمة اللي بتحكمها محل كوتش كبير !!!
هتقولوا الله ايه علاقة محلات الكوتش بتاعة العربيات وبين علاقة الأنظمة بالشعوب ؟! أقولكم ايه العلاقة
العلاقة ياجماعة الخير بين محل الكوتش وبين علاقة الحاكم بالشعب هي علاقة ( النفخ ) !
فهتموا بقى انا قصدي ايه
وبعدين ادينا بنتكلم وبنفتح موضوع للنقاش وناخد وندي مع بعض لأن كلنا في محل كوتش واحد !
ليه بقي الأنظمة اللي بتحكمنا معتبرة ان البلد دي محل كوتش كبير وأن الشعب ما هو الا فرد كوتش محتاجة للنفخ !! بس هنا في مشكلة هما ظلمونا فيها كالعادة وهي ان في محلات الكوتش الفردة اللي تتخرم يتحطلها رقعة ان كانت تيوبلس او داخلي ان كانت فردة عادية وبعدين ينفخوها ؛
طب لحد كده كويس خلي بالك من دي ، بس الشعوب مابنتخرمش الا لما حد يخرمنا لأننا مش زي فرد الكوتش !
بس هما طلعوا ناصحين علشان يلاقوا حجة لتشغيل محل الكوتش بتاعهم علشان ينفخونا بيها ؛ يقوموا يخرمونا الأول.. هنا بقت المصيبة اثنين مش نفخ بس لأ ده تخريم كمان ( والله انا بتكلم بحسن نية .. ) بس الخرم بتاعنا مش زي خرم الكوتش ،
مثلا يقوم عملك قانون طوارىء يخرمك بيه في أي وقت علشان ينفخك ؟ خللوا بالكم قانون الطوارىء ده خرم كبير ماحدش يقدر يعدي منه الا لما يتنفخ ، حاجة تانية في محل الكوتش لما تكون عاوزتننفخ عجلة او تزودها تعدي بمزاجك على أي محل مش غصب عنك ،
ولكن بالنسبة ليهم ان البلد اقصد محل الكوتش بينفخونا بمزاجهم ؛ يعني انت ممكن تكون مش محتاج تتنفخ بس النظام شايف انك مهوي شويه وعايز تزود يقوم يزودك وينفخك !! هو شايف اكتر منك خلاص اهي نفخة وتعدي .
على فكرة مش شرط يكون النفخ دائما مادي بمعنى نفخ من اللي بالي بالك ، ولكن ممكن يكون النفخ من خلال رفع الأسعار مثلا ! وممكن يكون النفخ في صيغة تانية مثلا مصيبة حلت علينا وطرمخوها بلجنة تحقيق ادي نفخة تانية!
مثلا تقوم الصبح تعرف فجأة ان ممدوح اسماعيل بتاع العبارة سافر متقولش ازاي اهو سافر وخلاص دي بقى تعتبرنفخة مش زي أي نفخة !!
اللى انا عاوز اقوله ان انواع النفخ كتير في محل الكوتش اللي هو بلدنا ، واللي ما تنفخش بكمبرسور قانون الطوارىء هيتنفخ بكمبرسور القرارات العشوائية
ياترى بقى هذه الأنظمة اللي اعتبرت البلد دي محل كوتش كبير لنفخ الشعب احنا في نظرهم ايه ( تيوبلس ) ولا ( عادة ) هنا السؤال لأنه مهم احنا عايزين نعرف احنا أي نوع قبل ما ينفخونا
طبعا تفرق ما هو الواحد برضه لازم يطمن على طريقة نفخه ياجماعة العمليه مش سهلة ، لأنهم لو اعتبرونا تيوبلس النفخة هتبقى خفيفة وكل حين ومين على بال ما ينفخك بما ان التيوبلس بيستحمل وبيطول ، لكن لو اعتبرونا عادة هتبقى مصيبة لأن ممكن يقولك انك محتاج جواني وما ادراك ما الجواني يعني النفخ بيبقى اكثر مش زي التيوبلس
علشان كده بنطالبهم ان من حقنا ( حلوة من حقنا دي ) ان نعرف احنا بالنسبة ليهم ايه ( تيوبلس ) ولا ( عادة ) وف الحالتين احنا منفوخين بس نفخ عن نفخ يفرق ولا انتو مش معايا .
عرفتوا بقى العلاقة بين محل الكوتش وبين الأنظمة الحاكمة والشعوب .. ولكن الفرق ان محل الكوتش العادي انت تعطيه مقابل نفخ عجلتك او تزويدها ، ولكن الأنظمة عندما تنفخنا ندفع لها نحن الثمن وهو كرامتنا وعمرنا ومستقبلنا .
ربنا يكفينا شر النفخ لا تيوبلس ولا عادة اللهم آمين هتقولوا الله ايه علاقة محلات الكوتش بتاعة العربيات وبين علاقة الأنظمة بالشعوب ؟! أقولكم ايه العلاقة
العلاقة ياجماعة الخير بين محل الكوتش وبين علاقة الحاكم بالشعب هي علاقة ( النفخ ) !
فهتموا بقى انا قصدي ايه
وبعدين ادينا بنتكلم وبنفتح موضوع للنقاش وناخد وندي مع بعض لأن كلنا في محل كوتش واحد !
ليه بقي الأنظمة اللي بتحكمنا معتبرة ان البلد دي محل كوتش كبير وأن الشعب ما هو الا فرد كوتش محتاجة للنفخ !! بس هنا في مشكلة هما ظلمونا فيها كالعادة وهي ان في محلات الكوتش الفردة اللي تتخرم يتحطلها رقعة ان كانت تيوبلس او داخلي ان كانت فردة عادية وبعدين ينفخوها ؛
طب لحد كده كويس خلي بالك من دي ، بس الشعوب مابنتخرمش الا لما حد يخرمنا لأننا مش زي فرد الكوتش !
بس هما طلعوا ناصحين علشان يلاقوا حجة لتشغيل محل الكوتش بتاعهم علشان ينفخونا بيها ؛ يقوموا يخرمونا الأول.. هنا بقت المصيبة اثنين مش نفخ بس لأ ده تخريم كمان ( والله انا بتكلم بحسن نية .. ) بس الخرم بتاعنا مش زي خرم الكوتش ،
مثلا يقوم عملك قانون طوارىء يخرمك بيه في أي وقت علشان ينفخك ؟ خللوا بالكم قانون الطوارىء ده خرم كبير ماحدش يقدر يعدي منه الا لما يتنفخ ، حاجة تانية في محل الكوتش لما تكون عاوزتننفخ عجلة او تزودها تعدي بمزاجك على أي محل مش غصب عنك ،
ولكن بالنسبة ليهم ان البلد اقصد محل الكوتش بينفخونا بمزاجهم ؛ يعني انت ممكن تكون مش محتاج تتنفخ بس النظام شايف انك مهوي شويه وعايز تزود يقوم يزودك وينفخك !! هو شايف اكتر منك خلاص اهي نفخة وتعدي .
على فكرة مش شرط يكون النفخ دائما مادي بمعنى نفخ من اللي بالي بالك ، ولكن ممكن يكون النفخ من خلال رفع الأسعار مثلا ! وممكن يكون النفخ في صيغة تانية مثلا مصيبة حلت علينا وطرمخوها بلجنة تحقيق ادي نفخة تانية!
مثلا تقوم الصبح تعرف فجأة ان ممدوح اسماعيل بتاع العبارة سافر متقولش ازاي اهو سافر وخلاص دي بقى تعتبرنفخة مش زي أي نفخة !!
اللى انا عاوز اقوله ان انواع النفخ كتير في محل الكوتش اللي هو بلدنا ، واللي ما تنفخش بكمبرسور قانون الطوارىء هيتنفخ بكمبرسور القرارات العشوائية
ياترى بقى هذه الأنظمة اللي اعتبرت البلد دي محل كوتش كبير لنفخ الشعب احنا في نظرهم ايه ( تيوبلس ) ولا ( عادة ) هنا السؤال لأنه مهم احنا عايزين نعرف احنا أي نوع قبل ما ينفخونا
طبعا تفرق ما هو الواحد برضه لازم يطمن على طريقة نفخه ياجماعة العمليه مش سهلة ، لأنهم لو اعتبرونا تيوبلس النفخة هتبقى خفيفة وكل حين ومين على بال ما ينفخك بما ان التيوبلس بيستحمل وبيطول ، لكن لو اعتبرونا عادة هتبقى مصيبة لأن ممكن يقولك انك محتاج جواني وما ادراك ما الجواني يعني النفخ بيبقى اكثر مش زي التيوبلس
علشان كده بنطالبهم ان من حقنا ( حلوة من حقنا دي ) ان نعرف احنا بالنسبة ليهم ايه ( تيوبلس ) ولا ( عادة ) وف الحالتين احنا منفوخين بس نفخ عن نفخ يفرق ولا انتو مش معايا .
عرفتوا بقى العلاقة بين محل الكوتش وبين الأنظمة الحاكمة والشعوب .. ولكن الفرق ان محل الكوتش العادي انت تعطيه مقابل نفخ عجلتك او تزويدها ، ولكن الأنظمة عندما تنفخنا ندفع لها نحن الثمن وهو كرامتنا وعمرنا ومستقبلنا .
